Lab Pe Aati Hai Dua Banke Tamanna Meri

Lab Pe Aati Hai Dua Banke Tamanna Meri

Zindagi Shama Ki Surat Ho Khuda-Ya Meri

Door Duniya Ka Mere Dam Se Andhera Ho Jae

Har Jagah Mere Chamakne Se Ujala Ho Jae

Ho Mere Dam Se Yun He Mere Watan Ki Zenat

Jis Tarha Phool Se Hoti Hai Chaman Ki Zenat

Zindagi Ho Mere Parwane Ki Surat Ya-Rab

Elm Ki Shama Se Ho Mujh Ko Mohabbat Ya-Rab

Ho Mera Kaam Gharibon Ki Himayat Karna

Dard-Mando Se Zaefon Se Mohabbat Karna

Mere Allah! Burai Se Bachana Mujh Ko

Naik Jo Rah Ho Us Rah Per Chalana Mujh Ko