Riazi k asulon mein Bala k ap mahir ho kahan par kya ghatana hai Kahan par kya kuch barhana hai Muhabbat be-niazi hai

Riazi k asulon mein

Bala k ap mahir ho

kahan par kya ghatana hai

Kahan par kya kuch barhana hai

kahan Aedad k zumre mein, 
kya taqseem karna hai

kahan tafreeq karna hai

kahan zarb lagani hai

tumhe ye khoob ata hai

magar ye jo muhabbat hai 
meri jaan, yahan ye fun nahi chalta

zarb, taqseem ya tafreeq 
chahat mein nahi hoti

ye do (2) k qaide pe sada abad rehti hai

or do k qaide mein 
teesre ko shirk kehte hain

jo do se ik nikal jaiy to

piche kuch nahi bachta

yahi hai qaida es ka

yahi es ki riazi hai

Muhabbat be-niazi hai