یوں وہ محفل میں بصد شان بنے بیٹھے ہیں

یوں وہ محفل میں بصد شان بنے بیٹھے ہیں 

میرا دل اور مری جان بنے بیٹھے ہیں 

ان کی صورت نکھر آئی پس زینت کیا کیا 

دیدۂ خلق کا ارمان بنے بیٹھے ہیں 

جن کو آداب تک آتے نہیں دربانی کے 

آج اس در پہ وہ دربان بنے بیٹھے ہیں 

مجھ کو دیکھا تو غضب ناک ہوئے ٹوٹ پڑے 

کیا خبر تھی کہ وہ طوفان بنے بیٹھے ہیں 

جو ہیں سلطان وہ پھرتے ہیں گداؤں کی طرح 

جو گداگر ہیں وہ سلطان بنے بیٹھے ہیں 

محفل ناز میں بلوا بھی لیا ہے مجھ کو 

اور پھر مجھ سے وہ انجان بنے بیٹھے ہیں 

اہل دل پر وہ غصہ ہے نہ وہ قہر و ستم 

خیر سے آج وہ انسان بنے بیٹھے ہیں 

دیکھتے ہی نہیں قصداً وہ ہماری جانب 

جان کر ہم سے وہ انجان بنے بیٹھے ہیں 

اے نصیرؔ ان کو سر بزم ذرا دیکھو تو 

اک تماشہ کا وہ عنوان بنے بیٹھے ہیں

شام سے آنکھ میں نمی سی ہے

شام سے آنکھ میں نمی سی ہے

آج پھر آپ کی کمی سی ہے

دفن کردو ہمیں کہ سانس ملے

نبض کچھ دیر سے تھمی سی ہے

کون پتھرا گیا ہے آنکھوں میں

برف پلکوں پہ کیوں جمی سی ہے

وقت رہتا نہیں کہیں ٹک کر

اس کی عادت بھی آدمی سی ہے

کوئی رشتہ نہیں رہا پھر بھی

ایک تسلیم لازمی سی ہے

آئیے راستے الگ کر لیں

یہ ضرورت بھی باہمی سی ہے

گلزار

یہ دل بھُلاتا نہیں ہے محبتیں اُس کی

یہ دل بھُلاتا نہیں ہے محبتیں اُس کی

پڑی ہُوئی تھیں مُجھے کِتنی عادتیں اُس کی

یہ میرا سارا سَفر اُس کی خوشبوؤں میں کٹا

مجھے تو راہ دکھاتی تھیں چاہتیں اُس کی

گِھری ہُوئی ہوں میں چہروں کی بھیڑ میں لیکن

کہیں نظر نہیں آتیں شباہتیں اُس کی

مَیں دُور ہونے لگی ہوں تو ایسا لگتا ہے

کہ چھاؤں جیسی تھیں مجھ پر رفاقتیں اُس کی

یہ کِس گلی میں یہ کِس شہر میں نِکل آئے

کہاں پہ رہ گئیں لوگو صداقتیں اُس کی

میں بارشوں میں جُدا ہو گئی ہوں اُس سے مگر

یہ میرا دل، مِری سانسیں امانتیں اُس کی

نوشی گیلانی

تر آنکھوں میں کوئی خواب سجایا نہیں گیا

تر آنکھوں میں کوئی خواب سجایا نہیں گیا

اِک وعدہ جو چاہ کر بھی نبھایا نہیں گیا

اور وہ بھی چُپ رہا جہاں والوں کے ڈر سے

خیر ہم سے بھی سچ بتایا نہیں گیا۔۔۔ 

#urdupoetry

#urdu

#UrduAdabShayari

sad urdu poetry collection 4

بچھڑ کے تجھ سے کبھی پھر نہیں کہا ہم نے 

ہمارے پاس خدا کا دیا بہت کچھ ہے

~~~

مجھ سے ناراض نہ ہو دیکھ میری آنکھوں میں

تُو مری جان ہے اور جان بھی پیاری والی !

~~~

بھری رہے ابھی آنکھوں میں اس کے نام کی نیند

وہ خواب ہے تو یونہی دیکھنے سے گزرے گا

~~~

وہ نہیں ہے تو ہستیِ عالم کا

'سارا منظر اداس لگتا ہے

~~~

وہ اتنی پیچیدہ نہیں ہے جتنا تم سمجھتے ہو 

وه لمبے سفر کی ایک مخلص ساتھی ہے

~~~

گلاب زادی تمہاری ہنسی سیاہ آسمان پر

 کسی ستارے کی نوید جیسی ہے 

مسکرایا کرو

 تاکہ پھول حسد کریں!!

تُم جس خواب میں آنکھیں کھولو

اُس کا رُوپ امر

تُم جس رنگ کا کپڑا پہنو

وہ موسم کا رنگ ہو

تُم جس پھول کو ہنس کر دیکھو

کبھی نہ مُرجھائے وہ .. 

تُم جس حرف پہ انگلی رکھ دو

وہ روشن ہو جائے.. !

best 2 line sad urdu poetry Collection 2

ہزاروں رنگ ہوں چاہے منظر میں

نہیں گر تو تو کیا منظر ہمارا

~~~

تمہاری دید پہ آنکھوں کی عمر باندھیں ہم 

تمہارے نام پہ دھڑکن چلے ︎ اجازت ہے؟

~~~

کُھل کے اظہار کر شکایت کا 

پوری رغبت سے دیکھ میری طرف

~~~

وہ ایک پل ہی سہی جس میں تم میسّر ہو

اُس ایک پل سے زیادہ تو زندگی بھی نہیں 

~~~

وہ شخص تو نے جس کو چھوڑنے کی جلدی کی،

تیرے مزاج کے سانچے میں ڈھل بھی سکتا تھا

وہ جلدباز خفا ہو کر چل دیا ورنہ،

تنازعات کا کوئی حل نکل بھی سکتا تھا

اَنا نے ہاتھ اُٹھانے نہیں دیا ورنہ،

میری دُعا سے وہ پتھر پگھل بھی سکتا تھا

~~~

تمہاری آنکھ سے ، کاجل چُرانے والے ملال

اَسیر ہو تو گئے تھے ، رِہا ہوئے کہ نہیں؟

~~~

آپ ہی آپ ہیں نگاہوں میں 

دیکھنے کا شعور جب سے ہے

~~~

آپ دیکھیں گے تو حیران ہی  رہ  جائیں گے 

میں نے لفظوں کی بھی جاگیر بنا ڈالی ہے

پھر سے آنکھوں نے کوئی خواب ادھورا دیکھا

پھر سے اس شخص کی تصویر بنا ڈالی ہے

~~~

اے صاحب,جمال! دریچےمیں آ کے دیکھ

ہم پھول بانٹنے۔۔ ترے کوچے میں آئےہیں

~~~

تمہیں کسی نے بتایا کہ مسکراتے ہوئے؟

تم اپنے آپ سے بڑھ کر حسین لگتی ہو

~~~

تُو کہاں اتنے بخت والی تھی

میرے حصّے کا هنس رهی هے تُو

~~~

ﯾﮧ ﺑﺎﺕ ﺗﺮﮮ ﻋﺸﻖ ﻧﮯ ﺳﻤﺠﮭﺎﺋﯽ ﮐﮧ ﺩﻧﯿﺎ

ﮐﭽﮫ ﺍﻭﺭ ﮨﮯ " ﻣﺤﺮﻭﻡ ﻭ ﻣﯿﺴﺮ" ﮐﮯ ﻋﻼﻭﮦ

~~~

بالوں میں چند پھول , آنکھ میں جگنو سجانے کو

درکار ہے مجھے اک دستِ محبت , یعنی تُو !

~~~

#urdushayari 

#urdupoetry 

##اردوشاعرئ 

best 2 line urdu poetry Collection

ایک ہی چہرہ کئی زاویوں سے دیکھتا ہوں 

اس لیے کم نہیں ہوتی ہے محبت میری

~~~

اک نظر میں کہاں کھل سکتا تھا منظر کا نکھار 

 ایک تصویر سے بس شوق بڑھایا گیا ہے

~~~

خد و خال اپنے اجاڑے ہیں ، وگرنہ یوں تو 

 میں حسینہ تھی ، مجھے آتا تھا مائل کرنا

~~~

میں اُس کی بوئے خوش امکان کے خمار میں ہوں

 کہ مجھ میں کوئی مہکتا ہے، مجھ سے بہتر بھی

~~~

پرانے خواب تھپک کے سلانے والا نہیں 

 متاع جاں تجھے میں بھلانے والا نہیں 

 یہ کچھ تمہاری بصارت کا عیب ہے شائد

 میں مہنگے خواب تو ہرگز دکھانے والا نہیں

~~~

اس کا چہرہ سادہ تھا جلد اعتبار کرنے والا 

آنکھیں ذہین تھیں لیکن چالاک نہ تھیں

~~~

یہ بھی دکھ ہے کہ اب وہ شہزادی

 مجھ سے بہتر غلام چاہتی ہے

~~~

وہ ایک بار مرے قہقہے سے ایسا ڈری

 پھر اس کے بعد اداسی نہیں ملی مجھ سے

~~~

میں تجھے دیکھتا ہوں، دیر تلک سوچتا ہوں

 ملنے والوں میں کہاں ہے کوئی تیرے جیسا!

~~~

ہاتھ تھاما جو آپ کا صاحب

 کٹ گیا کب سفر پتہ ہی نہیں

~~~

وہ دلنواز لمحے بھی گئی رتوں میں آئے جب

 میں خواب دیکھتی رہی‛ وہ مجھ کو دیکھتا رہا

~~~

بہت عرصے سے میں تم سے

 ایک طویل ملاقات چاہتی ہوں

 جس میں تمہارا ہاتھ تھام کر 

 میں اپنے دل کا سارا غُبار نکال سکوں

 مختصر اور جلد بازی میں کی گئی ملاقاتیں بھی

 بھلا کوئی ملاقاتیں ہوتی ہیں؟

 تم کیا جانو کہ عجلت میں کیا گیا بوسہ تو 

گرمی میں پیے گئے ٹھنڈے مشروب کی طرح ہوتا ہے

~~~

#urdushayari 

#urdupoetry 

#اردوشاعرئ 

#اردوغزل