اقرار کا مطلب ہو کہ انکار کے معنی iqrar ka matlab ho ki inkar ke mani

اقرار کا مطلب ہو کہ انکار کے معنی

کوئی تو ہو سمجھے مری گفتار کے معنی

اس جیسا کوئی ہو تو کہے اس کی مثالیں

ہو یار سا کوئی تو کرے یار کے معنی

یہ جسم دل و جاں تو ہیں بن مانگے ہی تیرے

پھر کیا ہیں ترے دست طلب گار کے معنی

اک وہ کہ اٹھاتا گیا بنیاد برابر

اک میں کہ سمجھتا گیا دیوار کے معنی

بچپن ہے جوانی ہے بڑھاپا ہے یہ کیا ہے

مرنا ہی اگر ہے تو پھر ادوار کے معنی

پھولوں کو پھلوں کو سر افکار سجایا

یعنی کہ کیے یوں لب و رخسار کے معنی

جاتا ہے تو جاتے ہوئے دل کو بھی جلا جا

جب تو ہی نہ ٹھہرے گا تو گھر بار کے معنی

ہر چیز یہاں اپنے لوازم کی ہے محتاج

صاحب ہی نہ ٹھہرو گے تو دستار کے معنی

اے کاش کہ جس کے لیے کہتا ہوں میں طاہرؔ

وہ مجھ کو بتائے مرے اشعار کے معنی

‏درد بھری پیار ‏عشق ‏محبت ‏شاعری

 

 

سیاہ رات کے دامن میں چھپ کے روتے ہیں.

بہت سے خواب جنہیں روشنی نہیں ملتی

 

~~~

 

تُجھے کیا علم کہ ہم تیری محبت کے طفیل

ساری دُنیا سے کٹے، سارے زمانے سے گئے

 

~~~

 

دِل کی تو خیر ہے تُمہارے سوا کسی کو نہیں چاہے گا ، مُجھے غم اپنے ہاتھوں کا ہے

کہ مُجھے کسی اور کا لمس بھی سہنا ہوگا

 

~~~

 

ایک تو اسکے نین درویشوں جیسے

اوپر سے اسکے ہاتھ کی چاااائے

 

~~~

 

جس میں تم نے ہر رشتہ توڑ دیا تھا

وہ میسج میں ہر رات پڑھ کر سوتی ہوں

 

~~~

 

دل منافق تھا، شب ہجرمیں سویاکیسے

اور جب تجھ سے ملا، ٹوٹ کےرویاکیسے

 

~~~

 

آپ محبت تھی، آپ رچ بس گئ ہو

میں عشق ہوں اور میں مر مٹوں گا

 

~~~

 

ہمارے ملنے کی کوئی صورت نہیں ہے پھر بھی

یہ لگ رہا ہے کہ خدا کوئی معجزہ کرے گا

 

~~~

 

تجھ کو پا کر بھی کچھ نہیں پایا

تیرے ہو کر بھی , بے سہارا ہیں

 

~~~

 

وہ محبت کے ہر مرحلے پر جیت گیا..

ہم ہار گۓ بازی بھی محبت بھی اور اسے بھی

 

~~~

 

اب کہیں جا کے معمّہ یہ سمجھ میں آیا ہے

تُو بدلتا ہے تو ہر چیز خفا لگتی ہے

 

~~~