Ishhq Maine Likh Dala
Qomiat" Ke Khanaay Mein
Aur "Tera Dil" Likha
" Shehriat" Ke Khanay Mein
Mujh Ko Tajarbon Ne Hi
Baap Ban Ke Paala Hai
Sochta Hon Kya Likhon
"Waldiyat" Ke Khanay Mein ?
Mera Sath Deti Hai,
Mere Sath Rehti Hai
Maine Likha "Tanhai",
"Zojiat" Ke Khanay Mein
Doston Se Ja Kar Jab
Mahswara Kiya To Phir
Maine Kuch Nahi Likha
"Hesiyat" Ke Khanay Mein
Imtehan Mohabbat Ka
Paas Kar Liya Maine
Ab Yahi Main Likhon Ga
"Ahliat" Ke Khanay Mein
Jab Se Aap Mere Hain,
Fakhr Se Main Likhta Hon
Naam Aap Ka Apni
"Malkiat" Ke Khanay Mein
No comments:
Post a Comment