wo jahan bhi Gaya lota to mere pas aya, bas Yahi ik baat achi hai mere harjaii ki, urdu poetry

وہ جہاں بھی گیا لوٹا تو میرے پاس آیا

بس یہی اک بات اچھی ہے میرے ہرجائی کی

dukh bhari dastan maazi ki, haal ki berukhi ka qissa hoon, urdu poetry

دُکھ بھری داستان ماضی کی 

حال کی بے رُخی کا قصّہ ہُوں

اے حقیقت کے ڈھونڈنے والے 

میں تِری جستجو کا حِصّہ ہوں

ساغر صدیقی

Raah Asan Ho Gai Ho Ge, Jaan Pehchaan Ho Gai Ho Ge, urdu poetry

راہ آسان ہو گئی ہو گی 

جان پہچان ہو گئی ہو گی 

موت سے تیرے درد مندوں کی 

مشکل آسان ہو گئی ہو گی 

پھر پلٹ کر نگہ نہیں آئی 

تجھ پہ قربان ہو گئی ہو گی 

تیری زلفوں کو چھیڑتی تھی صبا 

خود پریشان ہو گئی ہو گی 

اُن سے بھی چھین لو گے یاد اپنی 

جِن کا ایمان ہو گئی ہو گی 

دل کی تسکین پوچھتے ہیں آپ 

ہاں مری جان ہو گئی ہو گی 

مرنے والوں پہ سیف حیرت کیوں 

موت آسان ہو گئی ہو گی

jab tasawur mein na paiyn gy Tujhe, Phir kahan dhondne jain gy Tujhe, urdu poetry

جب تصور میں نہ پائیں گے تمہیں 

پھر کہاں ڈھونڈنے جائیں گے تمہیں 

تم نے دیوانہ بنایا مجھ کو 

لوگ افسانہ بنائیں گے تمہیں 

حسرتو ! دیکھو یہ ویرانۂ دل 

اس نئے گھر میں بسائیں گے تمہیں 

میری وحشت، مرے غم کے قصے 

لوگ کیا کیا نہ سنائیں گے تمہیں

آہ میں کتنا اثر ہوتا ہے 

یہ تماشا بھی دکھائیں گے تمہیں 

آج کیا بات کہی ہے تم نے 

پھر کبھی یاد دلائیں گے تمہیں 

سیف یوں چھوڑ چلے ہو محفل 

جیسے وہ یاد نہ آئیں گے تمہیں

daagh lahu k kharo par, khaak aese gulzaro par, urdu poetry

داغ لہو کے خاروں پر 

خاک ایسے گلزاروں پر 

تیرے خاک نشینوں کی 

آنکھ لگی ہے تاروں پر 

کس کے لہو کے چھینٹے ہیں 

زنداں کی دیواروں پر 

ایک اداسی ایک سکوت 

کیا پھُولوں، کیا خاروں پر 

دل میں اُمیدیں یوں ہیں سیف 

جیسے پھُول مزاروں پر 

hum ko to gardish e Halat pe rona aya, rone wale Tujhe kis baat pe rona aya, urdu poetry

ہم کو تو گردشِ حالات پہ رونا آیا 

رونے والے تجھے کس بات پہ رونا آیا 

کیسے جیتے ہیں یہ، کس طرح جیے جاتے ہیں 

اہل دل کی بسر اوقات پہ رونا آیا 

جی نہیں آپ سے کیا شکایت ہو گی 

ہاں مجھے تلخیِ حالات پہ رونا آیا 

حسنِ مغرور کا یہ رنگ بھی دیکھا آخر 

آخر اُن کو بھی کسی بات پہ رونا آیا 

کیسے مر مر کے گزاری ہے تمہیں کیا معلُوم 

رات بھر تاروں بھری رات پہ رونا آیا 

کتنے بیتاب تھے رم جھم میں پئیں گے لیکن 

آئی برسات تو برسات پہ رونا آیا 

حسن نے اپنی جفاؤں پہ بہائے آنسو 

عشق کو اپنی شکایات پہ رونا آیا 

کتنے انجان ہیں کیا سادگی سے پوچھتے ہیں 

کہیے کیا میری کسی بات پہ رونا آیا 

اوّل اوّل تو بس ایک آہ نکل جاتی تھی 

آخر آخر تو ملاقات پہ رونا آیا 

سیف یہ دن تو قیامت کی طرح گزرا ہے 

جانے کیا بات تھی، ہر بات پہ رونا آی

mun utarne lagay haseeno k, hashar ka din qareeb aya hai, urdu poetry

کوئی چلمن سے مُسکرایا ہے 

اب کہیں دھوپ ہے نہ سایہ ہے 

ابھی اپنا، ابھی پرایا ہے 

دل نے بھی کیا مزاج پایا ہے 

خُوبرُو لوگ بے مروت ہیں 

ہم نے دل دے کے آزمایا ہے 

مُنہ اترنے لگے حسینوں کے 

حشر کا دن قریب آیا ہے 

بند ہیں ہم پہ موت کی راہیں 

مدتوں زہرِ غم بھی کھایا ہے 

کیا کریں سیف دیدہ و دل میں 

اپنا تڑپنا قرار پایا ہے

انتخاب از سیف الدین سیف

Mujhe Mil Jao Ak Dua Ki Tarah, Saray Kadshay Be Asar Kr Do, urdu poetry

مجھ کو مل جاو دعا کی طرح

سارے خدشے بے اثر کر دوں 

talab aesi k basa loon dil o jaan mein osay, Naseeb aesa k muyassir deedar bhi nahi, urdu poetry

طلب ایسی کہ بسا لوں دل و جان میں اسے 

نصیب ایسا کہ میسر دیدار بھی نہیں

Tujh Ko maloom hai main ku Ghabraii hui rehti hoon, urdu poetry

تجہکو معلوم ھے 

میں کیوں گھبرائی ھوئی رہتی ھوں 

سب سے چھپتی ھوں

 شرمائی ھوئی رہتی ھوں 

مجھکو پردوں سے نکلنے کی اجازت ہی نہیں

چپ رھوں بس کچھ کہنے کی روایت بھی نہیں

آنکھیں خاموش ہیں ھونٹوں پہ شکایت بھی نہیں

دل دھڑکتا ھے مگر مرجھائی ھوئی رہتی ھوں

سب سے چھپتی ھوں

 اور شرمائی ھوئی رہتی ھوں

میرا آنچل تو شفقت بھرا سایہ ھے

میں نے بالوں کو بڑی چاھت سے چھپایا ھے

میں نے کردار کی پاکیزگی کو اپنایا ھے

پھر بھی الزام ھے کہ بہکائی ھوئی رہتی ھوں

سب سے چھپتی ھوں

 اور شرمائی ھوئی رہتی ھوں

لوگوں کے خوف سے میں کئی پردوں میں رہی

اپنا یوں خود کو سنمبھالا چاھے مردوں میں رہی

مسکراتی رہی

 چاھے کئی بے دردوں میں رہی

اپنے آنگن میں بھی

 کملائی ھوئی رہتی ھوں

سب سے چھپتی ھوں

 اور شرمائی ھوئی رہتی ھوں