shan e Mola Ali, islamic poetry

دستِ الٰہ کیوں نہ ہوں شیرِ خدا علیؑ

مقصود ہل اتیٰ ہیں شہِ لافتیٰ علیؑ

جس طرح ایک ذاتِ محمدؐ ہے بے مثال

پیدا ہوا نہ ہوگا کوئی دوسرا علیؑ

بیدمؔ یہی تو پانچ ہیں مقصودِ کائنات

خیرالنساؑ، حسینؑ و حسنؑ، مصطفیؐ، علیؑ

main khayal hoon kisi or ka Mujhe Sochta koi or hai, Tu pasand hai kisi or ki Tujhe Chahta koi or hai, saleem kousar

میں خیال ہوں کِسی اور کا 

مجھے سوچتا کوئی اور ہے

سرِ آئینہ مِرا عکس ہے،

 پسِ آئینہ کوئی اور ہے

میں کِسی کے دستِ طلب میں ہوں

 نہ کسی کے حرفِ دعا میں ہوں

میں نصیب ہوں کِسی اور کا

 مجھے مانگتا کوئی اور ہے

جو وہ لوٹ آئیں تو پوچھنا نہیں

 دیکھنا انہیں غور سے

جنہیں راہ میں یہ خبر ملی

 کہ یہ راستہ کوئی اور ہے

مِری روشنی

 تِرے خد و خال سے مختلف تو نہیں مگر

تو قریب آ تجھے دیکھ لوں

 تُو وہی ہے یا کوئی اور ہے

تجھے دُشمنوں کی خبر نہ تھی

 مجھے دوستوں کا پتہ نہیں

تِری داستاں کوئی اور تھی،

 مِرا واقعہ کوئی اور ہے

سلیمؔ کوثر

chehre pe apna dast e Karam pherti hui, maa roo pari hai sar ko mere choomti hui, Mother day, urdu poetry

چہرے پہ اپنا دَستِ کرَم پھیرتی ہوئی

ماں رو پڑی ہے سَر کو مرے چُومتی ہوئی

اب کتنے دن رہو گے مرے پاس تُم یہاں

تھکتی نہیں ہے مُجھ سے یہی پُوچھتی ہوئی

رہتی ہے جاگتی وہ مری نیند کے لئے

بچوں کو مُجھ سے دُور پرے روکتی ہوئی

بے چین ہے وہ کیسے مرے چین کے لئے

آتے ہوئے دنوں کا سفر سوچتی ہوئی

کہتی ہے کیسے کٹتی ہے پردیس میں تری

آنکھوں سے اپنے اَشکِ رواں پونجھتی ہوئی

ہر بار پُوچھتی ہے کہ کس کام پر ہو تُم

فخریؔ وہ سخت ہاتھ مرے دیکھتی ہوئی

sar e rah kuch bhi kaha Nahi, kabhi os k ghar main Gaya Nahi, urdu poetry

سر راہ کچھ بھی کہا نہیں

 کبھی اس کے گھر میں گیا نہیں

میں جنم جنم سے اسی کا ہوں 

اسے آج تک یہ پتا نہیں

اسے پاک نظروں سے چومنا بھی

 عبادتوں میں شمار ہے 

کوئی پھول لاکھ قریب ہو

 کبھی میں نے اس کو چھوا نہیں

یہ خدا کی دین عجیب ہے

 کہ اسی کا نام نصیب ہے 

جسے تو نے چاہا وہ مل گیا 

جسے میں نے چاہا ملا نہیں

اسی شہر میں کئی سال سے

 مرے کچھ قریبی عزیز ہیں 

انہیں میری کوئی خبر نہیں

 مجھے ان کا کوئی پتا نہیں

ishq hamain maqtal mein pukare to sahi, urdu poetry

عِشق ہَمیں مَقتل میں پُکارے تو سَہی۔۔۔ 
پَاوں بہ زَنجیر چَلے آئیں گے، چَھن چَھن کرتے۔۔۔

hmare Lehje ki shaistagi k Dhoke mein, hamari Baton ki gehrai na choo lena, urdu poetry

ہمارے لہجے کی شائستگی کے دھوکے میں
ہماری باتوں کی گہرائیاں نہ چھو لینا

kabhi is tarha mere hamsafar sabhi chahatein mere naam Kar, urdu poetry

ﮐﺒﮭﯽ ﺍِﺱ ﻃﺮﺡ ﻣﯿﺮﮮ ﮨﻢ ﺳﻔﺮ

ﺳﺒﮭﯽ ﭼﺎﮨﺘﯿﮟ ﻣﯿﺮﮮ ﻧﺎﻡ ﮐﺮ 

ﺍﮔﺮ ﮨﻮ ﺳﮑﮯ ﺗﻮ ﮐﮩﯿﮟ ﮐﺒﮭﯽ

ﻣﯿﺮﮮ ﻧﺎﻡ ﺑﮭﯽ ﮐﻮﺋﯽ ﺷﺎﻡ ﮐﺮ 

ﻣﯿﺮﮮ ﺩﻝ ﮐﮯ ﺳﺎﺋﮯ ﻣﯿﮟ ﺁ ﮐﺒﮭﯽ

ﻣﯿﺮﯼ ﺩﮬﮍﮐﻨﻮﮞ ﻣﯿﮟ ﻗﯿﺎﻡ ﮐﺮ 

ﯾﮧ ﺟﻮ ﻣﯿﺮﮮ ﻟﻔﻈﻮﮞ ﮐﮯ ﭘﮭﻮﻝ ﮨﯿﮟ

ﺗﯿﺮﮮ ﺭﺍﺳﺘﮯ ﮐﯽ ﯾﮧ ﺩﮬﻮﻝ ﮨﯿﮟ 

ﮐﺒﮭﯽ ﺍِﻥ ﺳﮯ ﺳُﻦ ﻣﯿﺮﯼ ﺩﺍﺳﺘﺎﮞ..

ﮐﺒﮭﯽ ﺍِﻥ ﮐﮯ ﺳﺎﺗﮫ ﮐﻼﻡ ﮐﺮ .

Dil hamara hai, or os par Tumhari hukmarani samjh Nahi aati, urdu poetry

ﺩﻝ ﮨﻤﺎﺭﺍ ﮬﮯ 

ﺍﻭﺭ ﺍﺱ ﭘﺮ ﺗﻤﮭﺎﺭﯼ ﺣﮑﻤﺮﺍﻧﯽ 

ﺳﻤﺠﮫ ﻧﮩﯿﮟ ﺁﺗﯽ

hoa to kuch bhi nahi, bas Thore se maan tute hain, Thore se khwab tute or bas kisi apne ne rulaya hai, urdu poetry

ہوا تو کچھ بھی نہیں 

بس تھوڑے سے مان ٹوٹے ہیں 

تھوڑے سے خواب ٹوٹے ہیں 

تھوڑے سے لوگ بچھڑے ہیں

ہوا تو کچھ بھی نہیں

بس تھوڑی سی نیندیں اڑ گئی ہیں 

تھوڑی سی خوشیاں چھن گئی ہیں 

تھوڑا سا چین گنوایا ہے 

ہوا تو کچھ بھی نہیں  

بس اپنا آپ گنوایا ہے 

آنکھوں کو برسنا سکھایا ہے 

محبتوں کا صلہ پایا ہے 

ہوا تو کچھ بھی نہیں 

بس کسی اپنے نے رلایا ہے

andaz e muhabbat hai bara nat khat os ka, Bahon mein gir k kehta hai sanbhalo mujh ko, urdu poetry

انداز محبت هے بڑا نٹ کهٹ اسکا 

..بانہوں میں گر کے کہتا هے سنبهالو مجهے