itna to dosti ka sila dejiye mujhe
apna samjh k zehar pila dejiye mujhe
uthe na ta-kay apki janib nazar koi
jitni bhi tohmatein hayn laga dejiye mujhe
kyun apki khushi ko mera gham kare udaas
ik talkh haadsa hoon bhula dejiye mujhe
main aap kay qareeb he hota hoon har ghari
moqa kabhi parre to sada dejiye mujhe
har chiz dastiyab hai bazar mein Adam
jhooti khushi khareed k laa dejiye mujhe
No comments:
Post a Comment