Hum khaak nashiin to shah Pia
Hamain teri deed ki chah Pia
Ik sham palat kar dekh hamain
hum baith gaye teri raah Pia
Chal aa kar mil baar hamain
Phir dekh bhi mat tu khwah Pia
Hum ashk bahain majlis mein
Masjid Masjid, Dargah Pia
Parh shair hamare daad bhi de
Chal Aah na kar , kar wahh Pia
Hum ap tamasha ban baithe
Yun baith k teri raah Pia
Tere hijr mein sare rung jale
Bas reh gaya rung siah Pia
K khaak mein palne wale hum
K shah-e-jahan, tum shah Pia
Tera Ishq Ibadat jesa hai
Chal chor sawab Gunah Pia
No comments:
Post a Comment