kaash main tere hasiin hath ka kangan hota

kash main tere hasiin hath ka kangan hota

tu bary pyar se, bary chao se, bary arman ke sath

apni nazuk si kalaii mein charhati mujh ko

aur betabii se furqat ke Khizaa’N lamho’n mein

tu kisi soch mein Dobii jo ghumatii mujh ko

main tere hath ki Khushbu se mahak sa jata

jab kabhii mood mein aa kar mujhe chomaa karti

tere honto’n ki hiddat se main dehak sa jaata

raat ko jab bhi tu neendo’n ke safar par jati

marmarii hath ka ik takiya banaya krti

main tere kaan se lag kar kaii baaten karta

teri zulfon ko tere gaal ko chooma karta

jab bhi tu band qabaa kholne lagti janaa’N

apni aaNkho’n ko tere husn se kheraa karta

mujh ko betab sa rakhta teri chaahat ka nasha

main terii rooh ke gulshan mein mehkta rehta

main tere jism ke aangan mein khanaktaa rahta

kuch nahii’n to yahii benaam sa bandhan hota

kash main tere hasiin haath kaa kangan hotaa..

Poet: Wasi Shah