os ne mail ba karam ho k bulaya hai mujhe

اس نے مائل بہ کرم ہو کے بلایا ہے مجھے

آج پھر دل نے یہ افسانہ سنایا ہے مجھے

سرد مہری پہ بھی ہوتا ہے توجہ کا گماں

اس طرح اس نے توقع پہ لگایا ہے مجھے

یوں تو فطرت میں بھی آشفتہ مزاجی تھی مری

اصل میں آپ نے دیوانہ بنایا ہے مجھے

پردہ داری تھی اسے ربط نہاں کی منظور

بزم میں اپنی بہت دور بٹھایا ہے مجھے

یہ مرے زعم بلندی کی سزا ہے شاید

اس نے کچھ سوچ کے نظروں سے گرایا ہے مجھے