Dair hoi jab main chhota sa larka tha mujh ko rah main ek jogi ne roka tha

Dair hoi jab main chota sa larka tha

mujh ko rah main ek jogi ne roka tha

tere hath ki reekha, dekhna chahta hoon

jo mathe per dekha, dekhna chahta hoon

ghor se us ne dekha meri hatheli ko

jese koi boojhe kisi paheli ko

pehle to kuch dair mujhe woh takta raha

phir us ne aik aah bhari aur kehne laga

balak yeh jo tere hath ki reekha hai

main ne es main tera jeewan dekha hai

tera mann ek sundar nari tore gi

ek bhi sapna tere pas na chhore gi

ghoome ga to dware dware aas liye

mar jaiy ga nadi kinare pyas liye

logo main baithe ga tu ghabraiy ga

tanhai main tujh ko chain na aaiy ga

tujh per ek din aaisa waqt bhi aana hai

log kahain gay pagla hai deewana hai

morakh tera dosh nahi yeh honi hai

tu ne apni naiya aap daboni hai

dukh hi dukh tere hisse main aaya hai

balak yeh tu kya likhwa kar laya