وہ تیرا صدقہ تو اُتارتے ہوں گے

وہ تیرا صدقہ تو اُتارتے ہوں گے

تُو جنہیں مُسکرا کہ ملتا ہے

ایک ہی شخص ہوتا ہے وفا کے قابل

ایک ہی شخص ہوتا ہے وفا کے قابل

سب کے پیچھے ایمان گنوایا نہیں کرتے

یہ نرم لہجہ ، پیاری باتیں ،تیرے لیے ہیں

یہ نرم لہجہ ، پیاری باتیں ،تیرے لیے ہیں

ہم اس لہجے میں سب سے بات نہیں کرتے

کریم ہے تو مری لغزشوں کو پیار سے دیکھ

کریم ہے تو مری لغزشوں کو پیار سے دیکھ

رحیم ہے تو سزا و جزا کی حد سے نکل

احمد فراز 

ہزار بار مِلو ـــــــــ پِھر بھی آشنا نہ لگے

وُہ اِس ادا سے جو آئے تو کیوں بَھلا نہ لگے

ہزار  بار  مِلو ـــــــــ پِھر  بھی  آشنا  نہ  لگے

کبھی وہ خاص عِنایت کہ سو گُماں گُزریں

کبھی  وہ  طرزِ  تغافل ،  کہ  محرمانہ  لگے

وہ سیدھی سادی ادائیں کہ بِجلیاں برسیں

وہ   دِلبرانہ   مروّت  ،   کہ    عاشقانہ    لگے

دکھاؤں داغِ مُحبّت جو نا گوار نہ ہو

سُناؤں قصّۂ فُرقت ، اگر  بُرا  نہ  لگے

بہت ہی سادہ ہے تُو ، اور زمانہ ہے عیّار

خُدا کرے ، کہ تُجھے شہر کی ہَوا نہ لگے

بُجھا نہ دیں یہ مُسلسل اُداسیاں دِل کی

وہ بات  کر  کہ  طبیعت  کو  تازیانہ  لگے

جو گھر اُجڑ گئے، اُن کا نہ رنج کر پیارے

وہ چارہ کر ، کہ یہ گُلشن اُجاڑ سا نہ لگے

عتابِ  اہلِ  جہاں  سب  بُھلا  دِئے ، لیکن

وہ زخم یاد ہیں اب تک ، جو غائبانہ لگے

وہ رنگ دِل کو دِئے ہیں لہُو کی گردِش نے

نظر   اُٹھاؤں ،  تو   دُنیا   نِگار خانہ   لگے

عجیب خُواب دِکھاتے ہیں، ناخُدا ہم کو

غرض یہ ہے کہ سفِینہ کِنارے جا نہ لگے

لیے ہی جاتی ہے ہر دَم کوئی صدا ناصرؔ

یہ اور بات ــــــ سُراغِ  نشانِ  پا  نہ  لگے

شاعر : ناصرؔ کاظمی

gham hai ya khushi hai tu meri zindagi hai tu

غَم ہے یا خُوشی ہے تُو

میری   زندگی   ہے   تُو

آفتوں  کے  دَور  میں

چَین کی گھڑی ہے تُو

میری  رات  کا  چراغ

میری نیند بھی ہے تُو

مَیں خزاں کی شام ہُوں

رُت   بہار   کی   ہے   تُو

دوستوں کے دَرمیاں

وجۂ دوستی  ہے  تُو

میری ساری عُمر میں

ایک  ہی  کمی  ہے  تُو

مَیں تَو وُہ نہِیں رہا

ہاں، مگر وُہی ہے تُو

ناصرؔ اِس دیار میں 

کِتنا  اَجنبی  ہے  تُو

شاعر : ناصرؔ کاظمی

(دِیوان)

os ne kaha tum mein pehli jesi baat nhi

وہ عشق ہی کیا جو سلامت چھوڑے

شکوہ کرتے ہیں لوگ بچھڑنے کا، بکھرنے کا 

وہ عشق ہی کیا جو سلامت چھوڑے

urdu poetry

یہ درد کی تنہائیاں یہ دشت کا ویراں سفر

ہم لوگ تو اُکتا گئے، اپنی سُنا! آوارگی

niyat e shoq bhar na jaiy kahin tu bhi dil se utar na jaiy kahin

نیتِ  شوق  بَھر   نہ  جائے  کہیں

تو بھی دِل سے اُتر نہ جائے کہیں

آج دیکھا ہے تجھ کو دیر کے بعد

آج  کا  دِن   گُزر  نہ  جائے  کہیں

نہ مِلا کر  اُداس  لوگوں  سے !

حُسن تیرا بِکھر نہ جائے کہیں

آرزو   ہے  ،   کہ  تو   یہاں   آئے

اور پھر عُمر بَھر نہ جائے کہیں

جی جلاتا ہُوں ، اور سوچتا ہُوں

رائیگاں  یہ  ہُنر  نہ  جائے  کہیں

آو کچھ دیر رو ہی لیں ناصرؔ

پھر یہ دَریا اُتر نہ جائے کہیں

شاعر : ناصرؔ کاظمی

(دِیوان)